Le 24 e . Traducite in interlingua ab le original in nederlandese de 2012, con un oculo a un traduction in espaniol de Google Translate.
Quando recentemente io reconsiderava mi proposition pro facilitar le formation de governamentos, le pavor me invadeva que in le practica illo non vaderea ben. Nam le regulas que io proponeva esseva:
Sed: le ultime regula naturalmente anque se applica al projectos de lege del Camera mesme, includite los del opposition. Ergo in theoria le alliantias cambiante del partitos del opposition poterea adoptar leges (gratias al appoio del Sedes Inoccupate, como avante convenite e per definition), que frustra le politica del governamento.
Isto poterea conducer a situationes disordinate e inconsistente, que es de utilitate pro nemo.
Sed in le practica io non vide isto occurrer tan rapide. Isto pro le rationes sequente:
Parlamentarios in general es personas conscientiose. Si illes face un projecto de lege, illes vole facer lo ben. Le projecto debe complir requirimentos de alte qualitate, esser sensate, internemente consistente, vader ben con altere legislation, e esser ben exigibile, imponibile e implementabile. Illo anque debe poter obtener appoio de alteres que le proponentes, ergo debe esser defendibile.
Scriber un projecto de lege tanto bon es multe travalio.
Pro isto il es poco probabile que projectos de lege sera submittite con le sol scopo, o scopo predominante, de frustrar le governamento in function.
Le Consilio de Stato (Raad van State, un organo consultative pro le governamento nederlandese) e le Senato potera, antea e postea respectivemente, tanto tunc como nunc, jocar lor rolos avisante, mitigante, e critic, assi altiante le qualitate. (Ancora un vice: io trova le systema de Sedes Inoccupate adequate pro le Camera de Representantes, sed non pro le Senato, si illo remanerea.)
Del multe coalitiones de opposition occasional que es possibile sub le nove systema, il ha multes que include partitos que anque es in le coalition governante. Iste factiones non essera inclinate a participar in actiones non-constructive solo pro frustrar le governamento. In ultra il ha un bon chance que tal comportamento, si occurrerea, esserea recordate e castigate per le votantes.
Anque desde le puncto de vista del senso de responsabilitate personal del parlamentarios – e on pote ya expectar que illo es super le media inter illes – le abuso de projectos de lege pro sabotar le politica del governamento non es un option obvie.
Ergo io judica mi proprie pavor como infundate. Le possibilitate theoretic non es un argumento valide contra le proposition.
Derecto de autor © 2022, R. Harmsen, tote derectos de copia reservate, all rights reserved.