Le , per me traducite ab mi traduction portugese
Youtube es un mina de auro pro qui gusta musica. In tempores remote il esseva necesse audir alicun numeros de musica in un magazin de discos, esperante casualmente incontrar un obra maestro. Hodie on pote facer lo in casa al computator sin limites. On simplemente comencia a ascoltar e depost seque un del suggestiones que face Youtube.
Io discoperiva Youtube como utensile musical le 17 de martio 2007. Desde alora io interprendeva multe viages de discoperta e rediscoperta. Multe de ille viages virtual menava me a Brasil.
Le 5 de decembre 2009 io incontrava duo cantiones cantate per Roberta Sá: Mais Alguém (‘Qualcuno altere’) e Cicatrizes.
Le 8 de januario 2012 per hasardo io incontrava un altere pecia de musica cantate per illa, con un de mi heroes musical, Chico Buarque de Holanda: Mambembe. Le cantion esseva scribite per Moreno Veloso e Quito Ribeiro.
Le video face parte de un DVD intitulate “Pra se Ter Alegria” (‘Pro gauder’). Il ha in Youtube iste video que contine iste canto e duo plus:
Peito Vazio de Cartola, que illa canta con Ney Matogrosso.
In ille musica tamben sona le Trio Madeira Brasil, que consiste del gitarrista Marcello Gonçalves (qui tamben accompaniava Roberta Sá e Chico Buarque in ‘Mambembe’ supracitate), gitarrista Zé Paulo Becker, e mandolinista Ronaldo do Bandolim. (Iste ultime io confundeva un momento con Paulinho da Viola, ma clarmente ille es un altere persona.)
Modinha, con le accompaniamento del gitarrista Yamandu Costa al gitarra heptachorde.
(Io non sape si on legalmente poneva ille videos sur Youtube, ma si un die illos serea removite pro motivos de directos de autor, io spera que on ancora vende le DVD original in alicun loco.)
Illo es un Youtube mix del musica de Roberta Sá.
Bon, illo esseva super le musica. Le thema super le qual io realmente voleva scriber es ille: la vita es breve e a vices pote ser dur. Cosas apparentemente parve pote animar e allegrar nos e facer nostre vita belle. Isto es un exemplo: le surrisos de Roberta Sá in le video Mambembe.
Mesmo si illa haberea un facie fede, lo que clarmente non habe, un tal surriso poterea facer de un die cineree un festa. Ergo vamos non oblidar de surrider al altere personas tanto como possibile.