Poco ritenuto
Le 7–.
Duchâble
Un bon exemplo del importantia de variationes, de intensitate como de tempo, pro le expression emotional de musica, se trova in le fin del Ballada numero 1, opus 23 de Frédéric Chopin.
In mesura 250 (de un total de 264), post multe notas rapide e curte, il ha un longe, basse nota g, sequite per ancora plus notas curte. Deinde tres accordos piano, e sex notas forte que majora le tension. Isto se repete similarmente, que reinfortia in mesuras 256 e 257 le expectation del discarga ineluctabile, que veni, fortississime e accelerante.
Io cognosce desde decennios le Ballada de
un
CD del pianista
François-
René
Duchâble. Su interpretation (anque
hic in Youtube) me placia multo.
Le prime accordo fortississime ille lassa durar satis longe, e de hic su tempo cresce gradualmente. Assi on pote ben audir lo que eveni. Nam le mano sinistre sona un octava de notas ‘bes’, durante que le mano dextre realisa un nota ‘e’. Le intervallo es dissonante, un quarta augmentate. Alora le manos approxima se chromaticamente, un secunda minor cata un, cata vice, que resulta in intervallos quarta diminuite (b-es), secunda major (c-d), unisono o prima (cis-cis), septima minor (d-c), sexta minor (dis-b), quinta diminuite (e-bes), tertia major (f-a), tertia diminuite (fis-as), e de nove unisono al comencia del mesura 260. Le mesuras 260 e 261 anque contine octavas de cata mano, ma ora solo descendente, non approchante se.
Horowitz
Totevia, le 26 de junio 2006, in le station de radio portugese de musica classic Antena 2, io audiva un interpretation del Ballada no. 1 per Vladimir Horowitz, in le qual ille sonava ille episodio final multo rapide, troppo rapide, quasi sin le fermata que io assumeva tunc esser in le notation musical. Assi ille guastava totalmente le effecto dramatic!
Como es possibile que un pianista tan famose sonava un pecia equalmente famose tan mal?
Io trova isto in Youtube. Horowitz comencia tan lentemente, forsan troppo lentemente, ma verso le fin retene le momento supreme insufficientemente in mi opinion.
Rubinstein
Arthur Rubinstein: multo ben sonate! Tote le notas es multo transparente, le momento special dura longe, e le acceleration es ben gradual.
Arthur Rubinstein era le discoperitor e mentor de François-René Duchâble.
Hic Ilan Rechtman in un master class de Arthur Rubinstein.
Ashkenazy
Vladimir Ashkenazy sona tranquillemente, lassa ben audir tote le notas, ma le fin non es bastante lente. Hic le mesme pianista, multo melior!
Barenboim
Daniel Barenboim. Multo ben sonate.
Chopin
In le partitura il ha clarmente “poco ritenuto”, non ‘molto ritenuto’. Dunque il es ben possibile que Frédéric Chopin mesme haberea preferite le interpretationes que io rejecta, e que ille haberea trovate mi favoritas exaggerate. Nos nunquam lo sapera con certitude.