Formas verbal in greco moderne

Le 21 de julio 2025

In greco moderne il existe quatro blocos de formas verbal, secun duo criterios: non-passate e passate, imperfecte e perfecte. Le combination non-passate con imperfecte resulta in le presente. Non-passate con perfecte non existe in le indicativo, ma si in le subjunctivo, hortativo e jussivo, post particulas como να (na) e ας (as).

Le combination de perfecte e passate es le aoristo, le passato simple, e le combination imperfecte con passate forma, forsan multo surprendente, le imperfecto del passato.

Le differentia inter non-passate e passate es marcate per desinentias differente:
-ω, -εις, -ει, -ουμε, -ετε, -ουν
deveni:
-α, -ες, -ε, -αμε, -ατε, -αν
Anque, le accento ha le tendentia de ir al comencio del parola, in le singular, e in le tertie persona del plural.

Le formas perfecte sembla sempre haber un σ (s) que manca in le formas imperfecte. Iste σ es combinate in varie manieras con le consonante ja presente. Assi nos ha pro le verbo αρχίζω, comenciar:

Imperfecte		Perfecte
Non-passate	Passate	Non-passate	Passate
αρχίζω	άρχιζα	αρχίσω	άρχισα
αρχίζεις	άρχιζες	αρχίσεις	άρχισες
αρχίζει	άρχιζε	αρχίσει	άρχισε
αρχίζουμε	αρχίζαμε	αρχίσουμε	αρχίσαμε
αρχίζετε	αρχίζατε	αρχίσετε	αρχίσατε
αρχίζουν	άρχιζαν	αρχίσουν	άρχισαν
Presente	Imperfecto	Indefinite o dependente	Aoristo

Fontes usate:

Teach Yourself Modern Greek, S. A. Sofroniou (Σ. Α. Σωφρονίου), 1962, 1976, pagina 104
le Wiktionary in anglese
le Wiktionary in greco
Prisma Woordenboek Nieuwgrieks–Nederlands, Karel Imbrechts, 2002, 2004, Woordleer van het Nieuwgrieks

Si un ‘s’ ja es presente in le radice del verbo, le resultato es le mesme ‘s’, e le formas imperfecte e perfecte es identic. Un exemplo es le verbo αρέσω, placer.
[ia] Me place le lingua grec.
[el] Μου αρέσει η ελληνική γλώσσα. (Mu arési i elinikí glósa.)
[en] I like the Greek language. (Litteralmente: The Greek language pleases me.)

Imperfecte		Perfecte
Non-passate	Passate	Non-passate	Passate
αρέσω	άρεσα	αρέσω	άρεσα
αρέσεις	άρεσες	αρέσεις	άρεσες
αρέσει	άρεσε	αρέσει	άρεσε
αρέσουμε	αρέσαμε	αρέσουμε	αρέσαμε
αρέσετε	αρέσατε	αρέσετε	αρέσατε
αρέσουν	άρεσαν	αρέσουν	άρεσαν
Presente	Imperfecto	Indefinite o dependente	Aoristo

Un exemplo como le ‘s’ in le formas perfecte combina con le consonante ja presente: γράφω, έγραψα, scriber. On poterea imaginar se un developpamento in ancian greco, de ph+s a ps, ergo ψ. Hodie de f a ps, φ a ψ. Similarmente un v scribite υ pote devenir ψ, como in δουλεύω, δούλεψα, laborar, travaliar. Gamma + sigma pote devenir un xi, como in ανοίγω, άνοιξα, aperir. Etc. etc.

Le desinentias alternative, -α, -ες, -ε, -αμε, -ατε, -αν, in vice de -ω, -εις, -ει, -ουμε, -ετε, ‑ουν, e le displaciamento del accento in le formas passate, es sovente accompaniate per le presentia de un prefixo como ή (θέλω, ήθελα, voler) ο έ-, le assi appellate augmento. Le conjugation del verbo γράφω, έγραψα, scriber:

Imperfecte		Perfecte
Non-passate	Passate	Non-passate	Passate
γράφω	έγραφα	γράψω	έγραψα
γράφεις	έγραφες	γράψεις	έγραψες
γράφει	έγραφε	γράψει	έγραψε
γράφουμε	γράφαμε	γράψουμε	γράψαμε
γράφετε	γράφατε	γράψετε	γράψατε
γράφουν	έγραφαν	γράψουν	έγραψαν
Presente	Imperfecto	Indefinite o dependente	Aoristo

Pro finir, alicun verbos irregular, ubi nos vide le mesme patronos, ma minus clar.
βλέπω, είδα, vider, mirar:

Imperfecte		Perfecte
Non-passate	Passate	Non-passate	Passate
βλέπω	έβλεπα	δω	είδα
βλέπεις	έβλεπες	δεις	είδες
βλέπει	έβλεπε	δει	είδε
βλέπουμε	βλέπαμε	δούμε	είδαμε
βλέπετε	βλέπατε	δείτε	είδατε
βλέπουν	έβλεπαν	δουν	είδαν
Presente	Imperfecto	Indefinite o dependente	Aoristo

τρώω, έφαγα, mangiar, eder, manducar:

Imperfecte		Perfecte
Non-passate	Passate	Non-passate	Passate
τρώω	έτρωγα	φάω	έφαγα
τρως	έτρωγες	φας	έφαγες
τρώει	έτρωγε	φάει	έφαγε
τρώμε	τρώγαμε	φάμε	φάγαμε
τρώτε	τρώγατε	φάτε	φάγατε
τρων	έτρωγαν	φαν	έφαγαν
Presente	Imperfecto	Indefinite o dependente	Aoristo