Curte verbos irregular

Idea le nocte inter le 5 e 6 de augusto, realisation le 24 e 25 de augusto 2025

Que existe e eveniva?

Initialmente in le curso del greco moderne (ab le anglese) de Duolingo, on usa solo le formas del presente (imperfecte, non-passate), ma ja tosto appare anque altere formas, e.g. le formas dependente (perfecte, non-passate) que seque sovente le particulas να e θα.

Alcunes de illo, de verbos multo frequente, es multo irregular, e pro isso pote confunder personas qui apprende le lingua. E.g., qui expecta que un forma ‘δω’ ha un connexion con βλέπω, ‘io vide’? Multe de iste formas es curte, contine solo un o duo consonantes e un omega.

Io voleva facer un lista pro combatter mi proprie confusion, ma illo poterea esser util anque pro alteres, dunque ora io lo face hic publicamente.

Io ha anque addite alcun formas que non es (tan) irregular, ma que confunde me con un pensata al portugese e altere linguas romance.

Tabella

imperfecte		perfecte		interlingua	anglese
non-passate	passate	non-passate	passate
presente	imperfecto	dependente	aoristo
βλέπω	έβλεπα	δω	είδα	io vide	I see
δίνω	έδινα	δώσω	έδωσα	io da, io dona	I give
βρίσκω	έβρισκα	βρω	βρήκα	io trova	I find
βγαίνω	έβγαινα	βγω	βγήκα	io exi, io sorti	I exit, go out, come out
μπαίνω	έμπαινα	μπω	μπήκα	io entra	I enter
λέω	έλεγα	πω	είπα	io dice	I say, I tell
διαβάζω	διάβαζα	διαβάσω	διάβασα	io lege	I read
πίνω	έπινα	πιω	ήπια	io bibe	I drink
τρώω	έτρωγα	φάω	έφαγα	io mangia	I eat
έρχομαι	ερχόμουν	έρθω	ήρθα	io veni	I come
πάω, πηγαίνω	πήγαινα	πάω	πήγα	io va	I go
πονάω, πονώ	πονούσα, πόναγα	πονέσω	πόνεσα	io dole	I hurt
πέφτω	έπεφτα	πέσω	έπεσα	io cade, pende, descende	I fall, hang, come down
φεύγω	έφευγα	φύγω	έφυγα	io quita, io parti	I leave
ζω	ζούσα	ζήσω	έζησα	io vive	I live
presente	imperfecto	dependente	aoristo	interlingua	anglese