Hwedwortehun (15)
Le 21 e
Ben Johnston
Heri al fin del postmeridie io videva un tweet remarcabile. Citation traducite:
“Le puncto Feynman es le nomine date al position in le expansion decimal de π, ubi un sequentia de sex digitos novem appare al prime vice. Le nomine deriva del physico Richard Feynman, qui presumitemente burlava que ille volerea memorisar le digitos de pi usque ille puncto, e alora dicer «et cetera», como si π serea rational. Le puncto Feynman occurre al 762nde digito post le comma decimal, que es multo plus tosto que expectate per hasardo. ✍️”
Io faceva un cerca Google con “the Feynman point”, e de illac se disrolava un sequentia interessante de articulos del Wikipedia in anglese, que finalmente deveniva relevante al thema del articulos mie in le directorio actual.
Six nines in pi, Mathematical coincidence, Pythagorean comma, Ben Johnston, Harry Partch, Staff notation.
Ben Johnston usava in su notation le symbolos + e − pro
altiar o abassar un nota con le ratio de 81:80, le assi nominate
comma syntonic o comma de Didymus (Δίδυμος), que joca un rolo
in le evitation de quintas
del lupo. Le altere symbolos sue non es univocamente explicate
in le articulo del Wikipedia, ma le function de IA (intelligentia
artificial) que Google ora offere como standard, salvo que -ai
es specificate in le ordine de cerca, explica alco plus.
In iste description del Standard Music Font Layout (SMuFL) il ha plus:
- In de body:
- In de class: